主人今天一起身發現我好好食力, 食足全晚好食力!
跟住又急不及待幫我影下相! 主人好細心見到 Puido 兄的水樽對我黎講實在太大, 所以決定今日幫我買過個。
其實主人自己都好為食! 今日又再征 i Square 的其他食肆
圖片看似主人正在 high tea, 但原來是飲茶,主人話呢間酒樓叫利寶閣, d點心都唔錯, 價錢同陶源差唔多, 不過最好先 book 位。
鳳爪個汁做得不錯, 鳳爪好淋, 軟骨好膠, 味道十分不錯!
芥辣龍蝦仔 - 其實係蝦黎, 不過都幾得意, 佢d蝦係半生的沾上芥辣汁, 有d似食刺身
陳皮排骨都ok, 不過個太燒腸就略為不夠 soy sauce
煎薄餐就係食過之中最薄脆同唔最少油, 不過略為不夠料。鮑魚繞賣味道也不錯
總括而言, 地方環境同食物也不錯, 相信會有下次。
食完午飯填飽了主人的肚, 就幫我買了很多東西呢! 又有冷板, 又有新屎 bowl, 仲有 Momi 草 1st cut 同草磚添! 主人話 1st cut 會嫰d同新鮮d, 可以幫我磨下後面的牙, 前面就要靠草磚。
當主人開包 1st cut 比我時, 香到我暈咗, 即刻去食, 不理儀態。 不過個草磚就冇咩吸引力, 睇黎主人要再諗計嘞!
今日同主人有第一張合照嘞! 原來我响主人手中真係丁屎咁細粒! 主人話我這幾個月要特別小心照顧, 希望我快高長大喎!
沒有留言:
張貼留言