[和食]和光鐡板光日本料理

嘩! 果然人氣店, 兩個多星期前 已 book定了! 看了很多食評及阿妹推介, $178一人有和牛燒放題, 當然要試一試....






每晚有兩輪; 18:00-20:00 及20:15-22:00,


準時18:00到門口,已有人在等, 準時18:00放人入去, 坐無虛席, 先送刺身, 樣子不俗, 吃來也新鮮。再送巨形虎蝦兩隻, 又大又鮮味, 燒完後份外香!

跟住當然就開始點嘢啦! 我點了牛啦、牛啦同牛囉!

1. 鹽燒牛胸腹 - 油份充足, 無需點汁, 便能帶出牛的香味...不錯! 推介

2. 法式芥苿子一口牛 - 我覺得最好食! 肉同脂肪較均衡, 牛味較濃, 非常 juicy, 加上芥苿汁,一試難忘...加推!!!

3. 鹽燒牛舌 - 外具彈力, 內裏柔軟, 肉汁十足, 也是不錯的撰擇
4. 燒汁牛肋條 - 就如韓國燒烤的牛助骨肉, 所以未如以上的特出

5. 黑七味豬腩肉 - 味道有點辣, 內質較 "鞋", 可以不用叫

6. 鵝肝鴨胸卷 - 賣相怪怪, 吃落也是怪怪的, 我覺得有d似潤腸味!
7. 燒汁豬項肉 - 比豬腩肉好, 較柔軟, ok

8. 燒汁牛胸腹 - 相比第一 round 叫的鹽燒牛胸腹更多脂肪, 看落都算好平均, 但由於已第二round, 戰鬥力已下降, 仲咁多脂肪, 雖然薄薄的, 吃了三件, 已KO了我! 同埋始終覺得鹽燒好味些, 吃到牛的真味
9. 法式芥苿子薄牛舌 - 味道也不錯!
10. 燒汁一口牛 - 水準依然, 但法式芥苿子較特別

整體而言, 以這個價錢, 吃到如些質素和款式確是一試無妨! 不過記緊要預早 BOOK 同每次order 時叫埋秘制温室青瓜 (胡麻汁), 清清口腔, 繼續再戰.